Hobu hall

Ütsvahe oll Nõnovil ulli pallo vahtsit panne. Tuu oll tuu Hobby Halli aig, ku kõik maainemise naksiva hindäle posti päält kaupa tellma. Ütspäiv tull naabrinaane suure ikuga Senni-tädi mano ja suur kott üten. Sellät esi, et hädä om suur. "Ma tellse säält hobu hallist hindäle vahtse' panni'. Ulli illosa olliva, kolm tükkü üte hinna iist. Mul kak rass kolme panni vajja, latsile kah hää anda, kiroti tellmise lehe pääle, et taha kolme panni. Kae no kos kurivaimu, nä saatseva mulle ütessä panni!" Ikku oll pallo ja hädä oll suur. "No kohe ma lää näide pannega? Kõik piimäraha läts näide ala. Ku vanamiis teedä saa, ta lüü minno maaha!" Nii tsumma tuu asi es lää, Senni-tädi, hää inemine, võtt mõne perräjäänu panni hindale ja jummal tiid, kohe näid viil sai.