Ministeeriümi vastavõtt

Üts Orava miis oll vinne aol nii pallo ku hüä tüümiis, et kutsti ministeeriümmi vastavõtule. Ku tagasi sai, sõs tõõsõq Orava mehe tulliq uurma, et kõnõlõq meile ka, mis ministri ütel? A ministri kõnõl õnnõ vinne kiilt ja muudku kõrdsi: "Ленин и Сталин в защиту мира!" A kos tu Orava miis vinne kiilt mõist? Nii sõs kõnõl külämehile:" Kõnõldi mu vanõmbast tütrõst Leenist ja noorõmbast tütrõst Taalist. Ja sõs kõnõldi viil mu hobõsõst Miirast. Kõrrati pääle: sa situ, Miira! ja sa situ Miira! A mis tuu Miira situs, ku olõiq nätäl aigo kaara saanuq?" 26