Jõuluvana

Jõuluvanal aig om kipõ
Iä om maan ja tii om lipõ.
Äkki käve mõtõ pään:
seo aasta esi ma ei lää.
Põhjapõdral om hullulehmätõbi
Ja ess ma kah jo vana kõbi.
Jõulupuidgi tetäs vanast prahist,
no midä sa siin inämb vahit.
Ku kõiki kirju tahat lukõ,
võit nahast peris vällä pukõ.
Nüüd latsi suuvõ täütvä äpi,
värsi asõmõl lauldas räppi,
kommi asõmõl pakutas kräppi,
ja kõik omma väega häpi.
Halvilõ latsilõ vitsa ei anda,
nukka saisma ka inäp ei panda.
Süvvä saia ei olõ loodust,
tsiapraat om lännü moodust.
Ku verivorsti tsärisese
Sis püdsejüräjä värisese.
Nüüd tiidvä ka kõik joboki,
et pakkõ toova roboti.
Mudsulaabatsi võtt appi,
Robotihe säädse paki.