Jõuluvana

Valmis küdset piparkoogi,
elämine puhtas roogit,
vaja viil om minnä sanna
ja sõs uuta jõuluvanna.
Ei tää inämb tulõ riiga
tulõ tää nüüd taxifiiga.
Olõt sa no maalt vai liinast
Jõulupaki tellit Hiinast.
Aisakelli sa inäp ei kuulõ ,
nüüd puhusõ uvvõ tuulõ-
õdagist paukva raketi
ja inemise istusõ netin.
Last jõuluvana üskä ei või võtta
lätt lastõkaitsjidega sõtta-
mõni ikku lahistas,
et jõuluvana ahistas.
Ka kerikun ei lövvä rahu,
Sa ussõst sissegi ei mahu
eski vana kommonisti
kerkon ette pesvä risti.
Vanast jõulu aigu maah oll iks lummõ
Ja tulõvik es paistagi nii tummõ,
Nüüd kliimagi om lännü lämmäs
Ja lördsiga meid üle hämmäs.
Viiu Kornel