Viirus

Täämbä kodoaian läütämi lõkkõ
sõpruga kuun viil olõmi mõttõn.
Luudusõ kruun Sa inäp ei olõ-
maailma valitsõs viirus nii kolõ.
Et tää tulõs,tuud kiäki es soovi
nimes tälle om antu covid.
Mii tedä ei näe,tää hellü ei kuulõ,
a mõtõlda inäp ei saaki muulõ.
Vaivalt kiäki tuud ette nägi,
et väikul viirusõl sääne om vägi:
kõik kõrdsi ja keriku pandnu tää kinni,
ekäpiten taht elokõrraldust timmi.
Inne är ajagu nõnna püstü
ku viirusõ käest om lupa küstü.
Ütskõik,ku pallo tedä sõimad-
tää alati om kõikvõimas.
Tedä kinni ei piä maskirõivas,
ilm armulda Su kopsu hõivas.
Ei piä tedä ütski riigipiir
ku rahvilõ tä ligi hiil.
Ei olõ tälle viisat vaia
ku ilma piten ringi taht kaia.
Ei hooli tuust, mis värvi om Su nahk-
tää kõiki hävitädä taht.
Sjoo om viil suurõmb karistus
ku tuud oll vinne valitsus.
Ei pästä meid nüüd ütski palvõ
ega NATO rahuvalvõ.
Suur abi või olla viil tuust,
et kõik ei lagunõs kuust,
ku president tulliga vilgutas
ja Kredex abirahasid tsilgutas.

Viiu Kornel