Lumõhelbe'

Ku ajalehe valla lüüt
egäl puul näet valitsusõ süüd.
Nii valitsus om tallitanu-
kõik maaska ärä hallitanu.
Helme põllumiihhi painas
tüüle tulla ei lasõ Ukrainast.
Eestläsist inäp ei olõ meil asja
hädäst vällä avitas ukraina Vasja.
Tuus eestläne ei olõ küps,
et esi uma lehmä lüps.
Umal aol sai toidõtus vinnemaa,
nüüd hindäga hakkama ei saa.
Ku perrä mõtõlda veits,
sis lehmi lüpse Leida Peips.
Prii Eesti nimel sai jüretüs kartolikuuri,
nüüd pääle kasunu om põlvkond nuuri:
kõik mõistva õnnõ ärri juhti
tuus omma näil paprõgi suhvlin,
Nii kasviva näist lumõhelbe
tüü tegemine es saaki selges.
Käsi pikän nää koogutasõ valitsusõ poolõ,
äririski kõik jäetüvä saatusõ hoolõs.
(Viiu Kornel)